BERNENSIS Pagus

BERNENSIS Pagus
a Berna, capite nomen habens, inter omnes Helvetiorum Pagos amplissimus per 30. milliar. extensus, et in Praefecturas complures divisus est. Harum aliae Germanicae, aliae Gallicae dicuntur. Illarum quatuor suburbanae sunt, quibus totidem urbis signiferi praesunt; praeter eas 27. aliae: Nempe Haselia vallis, quae Ammanum quidem habet ex suo corpore; verum hic a Senatu Brnensi deligitur, et huic rationem reddit. Undersea oppid. cui praeponitur Schuldthesz, ut vocant: Simmia vallis duplex, quarum praefectos Castellanos Schachtlan vocant: Frutinga, Sana, Aquilegi, vel, ut alii malunt, Salinae, vulgo Aellen: Cuius praefectus Gubernator appellatur. Laupa, Thunium, cuius par, ac Underseae, natio. Signovium, Trachselvalda ac vallis Emmae fluv. Brandisium, cuius praefectus a Dommo de Brandis eligitur, sed ex civium Bernensium numero. Simisulda; cuius praefectum constituunt Teutonici ordinis Magistri. Burgodorphum, Pyrenostica, quae duae praefecturae eôdem modô, quô Undersea, administrantur. Landeshutum, Arbergum, Nidovium, Erlacum, Bippium, Wanga, Arwanga, Arburgum, Bibersteinia, Schenkenbergum, Lentheburgum: Et tria libera oppida Zofinga, Arovium et Brugae Helveticae. Istarum octo sunt: Aventicum, Minnidunum, Ebrodunum, Lausanna, Morgiae, Novidunum, Oranum, Zilia cum Viviaco vel Ubisco. Praeterea quatuor Praefecturae, Moratum nempe, Schwartzenburgum, Gransonium et Chalantum, Bernensibus cum Friburgensibus communes sunt. Coenobiorum tandem Praefecturas in agro Germanico Bernates novem, in Gallico tres possident. Simler. de Republ. Helv. etc.

Hofmann J. Lexicon universale. 1698.

Look at other dictionaries:

  • VERBIGENUS — I. VERBIGENUS melius Urba, vide ibi. II. VERBIGENUS pagus Helvetiorum inter Celtas. Caesat, l. 1. Comm. c. 27. Orbe hodie dicitur: Ferrarius. Ubi Verbigeni populi. Dicitur et Urbigenus, vide ibi. Erat inter Iuram montem, Lemanum lacum et… …   Hofmann J. Lexicon universale

  • AMBRONES — gentes Galliae, quae subitâ inundatione maris quum sedes suas amisissent, rapinis se alere coeperunt. Hinc factum est, ut turpis vitae homines Ambrones Dicerentut. Festus et Erasmus in Chil. Cluverio aliisque erant populi Helveriorum, ubi nunc… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.